پاکستان کرکٹ ٹیم کے کپتان بابر اعظم نے الزامات لگانے والے یوٹیوبرز اور سابق کھلاڑیوں کے خلاف مقدمہ دائر کرنے کا فیصلہ کیا ہے۔
قومی کرکٹ ٹیم کے کھلاڑی بالخصوص کپتان بابر اعظم آئی سی سی مینز ٹی ٹوئنٹی ورلڈ کپ میں اپنی ناقص کارکردگی کی وجہ سے پہلے راؤنڈ میں باہر ہونے کے بعد تنقید کی زد میں آگئے۔
ذرائع کا کہنا ہے کہ ٹی ٹوئنٹی ورلڈ کپ کے دوران بابر اعظم کے خلاف سوشل میڈیا پر مہم چلائی گئی تھی۔
قریبی ذرائع کا کہنا ہے کہ بابر اعظم اپنے سابق کھلاڑیوں کی جانب سے لگائے گئے الزامات سے مایوس ہیں۔
ذرائع کیمطابق بابر اعظم کی جانب سے سابق یوٹیوبرز اور کھلاڑیوں کو لیگل نوٹس بھیجنے کا امکان ہے اور اس حوالے سے بابر نے اپنی لیگل ٹیم سے مشاورت شروع کردی ہے۔
ذرائع کے مطابق پی سی بی کا لیگل ڈیپارٹمنٹ یوٹیوبرز اور سابق کھلاڑیوں کے بیانات کا ڈیٹا بھی اکٹھا کر رہا ہے۔