بالی ووڈ اداکارہ سوناکشی سنہا اور ظہیر اقبال کی تقریب مہندی کی تصاویر سوشل میڈیا پر وائرل ہوگئی۔
چند روز قبل سوناکشی سنہا نے اپنے مسلمان بوائے فرینڈ ظہیر اقبال کے ساتھ شادی کا اعلان کیا تھا اور بتایا گیا تھا کہ دونوں رواں ماہ کی 23 تاریخ کو ممبئی میں شادی کریں گے۔
بھارتی میڈیا میں سوناکشی سنہا اور ظہیر اقبال کی شادی کے اعلان کے بعد سنہا خاندان میں دراڑ کی خبریں سامنے آئیں، انہوں نے اس خبر کی تردید کرتے ہوئے کہا کہ وہ اپنی بیٹی کی شادی میں شرکت کریں گے اور اپنی پیاری بیٹی کے لیے دعا کریں گے۔
اب سوناکشی اور ظہیر کی مہندی ایونٹ کی پہلی تصویر وائرل ہوئی ہے۔
جوڑے کے دوست جعفر علی منشی نے اپنی انسٹاگرام اسٹوری پر ایک تصویر شیئر کی جس میں سوناکشی کو براؤن بنارسی اور ظہیر کو سفید اور بھورے رنگ کے کنٹراسٹ شرٹ میں دوستوں کے ساتھ پوز دیتے ہوئے دیکھا جاسکتا ہے۔
مہندی کے فنکشن کے موقع پر گھر کو پیلے، نارنجی اور سفید پھولوں سے بھی سجایا گیا ہے۔
