معروف خوبرو اداکارہ فضا علی نے اپنی شادی کی جھوٹی خبریں پھیلانے والوں پر شدید برہمی کا اظہار کیا ہے۔
کراچی، شوبز انڈسٹری کی معروف اداکارہ فضا علی نے اپنی شادی کی افواہیں پھیلانے والوں کو آڑے ہاتھوں لے لیا ہے۔
اداکارہ اور ماڈل فضا علی نے سوشل میڈیا پر اپنے ایک بیان میں یوٹیوبرز، وی لاگرز، بلاگرز اور ٹی وی چینلز سے ناراضی کا اظہار کرتے ہوئے کہا کہ وہ میری شادی کا چھوڑیں اور اپنی بہنوں کی شادی کی فکر کریں۔
View this post on Instagram
خوبرو اداکارہ کا کہنا تھا کہ اگر میں برطانیہ اپنے کسی کام کے سلسلے میں جاؤں تو یہ خبریں پھیلا دی جاتی ہیں کہ میری شادی ہوگئی ہے، مجھے اس بات کی سمجھ نہیں آرہی ہے کہ کیا میں جہاں گھومنے جاؤں وہاں جاکر شادی کرلیتی ہوں۔
میری شادی کی بے بنیاد اور من گھڑت خبریں پھیلانے والوں نے شاید میرا جہیز بھی جمع کرلیا ہے۔
اداکارہ کا اس بارے میں یہ کہنا تھا کہ من گھڑت اور بے بنیاد خبریں پھیلانے سے انسان کا دل دکھتا ہے اور بے حد پریشانی ہوتی ہے۔