واجبات کی عدم ادائیگی پر بلوچستان کی سب سے بڑی مچ سنٹرل جیل کی بجلی کاٹ دی گئی ہے۔
جیل حکام کا کہنا ہے کہ کیسکو نے 3 کروڑ روپے کے واجبات کی عدم ادائیگی پر جیل کی بجلی منقطع کر دی ہے۔
جیل کے حکام نے نجی ٹی وی چینل کو بتایا کہ سنٹرل جیل میں 750 قیدی ہیں، جن میں 73 سزائے موت کے قیدی بھی شامل ہیں جو پھانسی کے منتظر ہیں، جبکہ 100 سے زیادہ ہائی پروفائل ملزمان بھی جیل میں قید ہیں۔
اس حوالے سے بلوچستان جیل کے ترجمان ملک شجاع الدین کاسی کا کہنا تھا کہ بجلی کی بندش سے جیل میں سیکیورٹی کے مسائل بڑھ گئے ہیں۔
جیل حکام کا دعویٰ ہے کہ ہم نے کیسکو انتظامیہ کو 15 دن میں واجبات ادا کرنے کی یقین دہانی کرائی ہے تاہم ان یقین دہانیوں کے باوجود جیل میں بجلی کی فراہمی منقطع کر دی گئی ہے۔
