پی ٹی آئی نے عدت نکاح کیس کے فیصلے کو ہائیکورٹ میں چیلنج کرنے کا اعلان کردیا ہے۔
پاکستان تحریک انصاف نے بانی پی ٹی آئی عمران خان اور انکی اہلیہ کیخلاف عدت نکاح کیس کو چیلنج کرنے کا باقاعدہ اعلان کردیا ہے۔
قومی اسمبلی میں اپوزیشن لیڈر عمر ایوب نے کہا کہ عدت نکاح کیس میں سزا معطلی کے خلاف فیصلے کو ہائیکورٹ میں چیلنج کریں گے، ہم اس فیصلے کی مذمت کرتے ہیں۔
اپوزیشن لیڈر عمر ایوب نے کہا کہ پی ٹی آئی کے قیدی رہا ہونے تک کوئی بات چیت نہیں ہوگی، ہماری تحریک تیزی سے آگے چلے گی اور ہر جگہ احتجاج کریں گے۔
واضح رہے کہ عدت نکاح کیس میں سیشن کورٹ کے جج افضل مجوکا نے 25 جون کو محفوظ کیا گیا فیصلہ سناتے ہوئے عمران خان اور اور انکی اہلیہ بشریٰ بی بی کی سزا کیخلاف اپیلیں مسترد کردی ہیں۔
یاد رہے کہ عدت نکاح کیس میں بانی پی ٹی آئی عمران خان اور انکی اہلیہ بشری بی بی کو 7 ،7 سال قید کی سزا سنائی گئی تھی۔
