وزیر اعلیٰ پنجاب مریم نواز بارش کے بعد لاہور کے مختلف علاقوں کا دورہ کر رہی تھیں کہ ایک شہری نے وزیر اعلیٰ کی گاڑی کو روک لیا۔
شہری نے مریم نواز سے مخاطب ہو کر کہا کہ ’مار دو لیکن پیچھے نہیں ہٹوں گا‘ جس ہر مریم نواز نے شہری کو اپنے پاس بلا لیا اور اسکا مسئلہ سنا۔
واضح رہے کہ لاہور میں بارش کے بعد کئی علاقے زیرآب آگئے۔ اس سلسلے میں زیر اعلی پنجاب مریم نواز نے شہر کے مختلف علاقوں کا ہنگامی دورہ کیا۔
مریم نواز کے آتے ہی چیف سیکرٹری، ڈپٹی آفیسر، ڈپٹی سیکرٹریٹ آفیسر اور دیگر انتظامی حکام کی دوڑیں لگ گئیں۔
مریم نواز نے شادمان، فیروز پور روڈ، ڈیوس روڈ، شملہ پہاڑی کے علاقوں ، اندرون و بیرون شہر کی سڑکوں اور گلی محلوں کا ذاتی طور پر مشاہدہ کیا انہوں نے قذافی اسٹیڈیم کا دورہ بھی کیا۔
قذافی اسٹیڈیم میں پانی کے فوری نکاسی اور اضافی واٹر پمپس پہنچانے کی ہدایت جاری کی۔
